Ginoong Jesukristo, kami ginsugo sang Amay nga ikaw pamatian nga iya pinalangga nga anak, ipadala ang imo kapawa sa imo Simbahan diri sa Pilipinas, sa sining pagtipon sang Ikalima nga pungsodnon nga pagtipon sang mga BEC.

Ipadala ang Imo Espiritu sang gugma kag kamatuoran sa tanan nga nagapakigbahin sa sining pagtinipontipon kag sa tanan nga nagabulig sa ila agud ila matuman ang ila hilikuton. Himoa sila nga tampad sa kon ano man ang ginahambal sang Espiritu sa pagbalay sang BEC bilang pamaagi padulong sa isa ka Simbahan nga dungan nga nagapanglakaton, Tanduga ang ila mga kalag kag tudloi sila sang kamatuoran sang amon man nga Espiritu Santo.

Paagi sa bunga sang sini nga pagtinipontipon kabay nga ang mga tumuluo sang aton mga Simbahan mapaputli kag mapabakud sa espiritu, agud labaw pa gid nila nga masunod ang ebanghelyo kon diin imo ginhatagan katumanan ang kaluwasan, magtubo sa paghiliusa, pagpakigbahin kag misyon agud ila man mahimo ang ila kaugalingon bilang isa ka buhi nga halad sa langitnon nga Amay.

Kabay nga si Maria, ang labing Santos nga Iloy sang Dios kag Iloy sang Simbahan, mangin yara man sa sini nga pagtinipontipon kag mag-ampo upod sang iya iloynon nga pagpalangga sa pagpaluntad sang paghiliusa bilang mag-ulolotod sa tunga sang tanan nga nagapakigbahin, sa pagtugot sa ila nga magkalipay.Señor San Sebastian, ig-ampo mo kami.Mahal nga Birhen sang Santos nga Rosaryo, ig-ampo mo kami