ADSUM PASIPLAT. DATE WITH THE LORD SA SEMINARYO. Nangin madinalag-on ang paghiwat sang Sacred Heart Seminary Bacolod sang date with the lord nga may Tema: “Kudog sang Gugma” sang kagapon nga adlaw. Ang kahiwatan ang nagtalakay sang nagkalain-lain nga nawong sang gugma kalakip ang sa kabuhi sang mga ginkasal, single blessedness kag sang bokasyon sang pagkapari kag relihiyosa nga kabuhi. Ini ang naglakip man sang mga pagpa-ambit sang mga ambahanon. Nagpasalamat naman ang Rector sang seminaryo Very Rev. Fr. Ronaldo S. Quijano, SThD sa mga nagpaambit sa amo nga hilikuton sang seminaryo.
