Isa ka Misa sa Pagpasalamat ang ginhiwat sining karon lang sa San Sebastian Cathedral nga ginpangunahan sa pagsaulog sang mga Pallotine Superiors gikan sa Roma nga ginpangunahan ni Rector General Fr. Zenon Hanas, SCA. Ang naghatag sang sermon ukon homily amo si Fr. Derry Murray, SCA, ang Pallotine Vice Rector General. Kaupod nga nagsaulog sang Santos nga Misa amo sanday Msgr. Ronald Quijano,ang Vicar General sang Diocese sang Bacolod kag Rector sang San Sebastian Cathedral, kag mga Pallotine Missionaries diri sa Bacolod: sanday Fr. Bineet, Fr. Sandeep, Fr. Anand and Fr. Amet.
Ginapasalamatan man ang presensiya kag pagtambung nanday Mrs. Gene de Leon-Mapa kag iya mga kauturan nga sanday Teresa, Anita and Lourdes de Leon. Ang ila pamilya ginapasalamatan sa ila pagdonar sang lote nga sa palaabuton amo ang pagapatindugan sang Seminaryo kag Kapilya sang mga Pallotine Missionaries. Ang mga Irish Pallotines nga yara sa San Silvestro Basilica sa Romanangin aktibo sa ila pagpakigbahin sa ministry sang mga Filipino migrants didto sa Roma sa pila na ka naglipas nga dekada.
Pinaagi man sa bulig sang mga kaparian gikan sa Diocese sang Bacolod, nga nangin kabahin man sang ila ministry, nagpalambut sang ila misyon kag ministry padulong diri sa pungsod sang Pilipinas sang nagligad nga kinse anyos.
Ang presensiya sang mga Pallotine Missionaries sa aton pungsod natigayon sa pagbulig man sang Diocese sang Bacolod. Mainit nga pag-abi-abi sa inyo tanan kag salamat gid Pallotine Missionaries, gikan sa mga tumuluo kag sumilimba sang Diocese of Bacolod.
Katoliko Ako, DYAF 1143 Ang Radyo Ko!
