O Amay namon sa langit
ang pagtuo nga Imo ginpaambit sa amon
paagi sa Imo Anak kag amon utod nga si Hesukristo,
kag ang ang paghigugma nga nagapadabdab
sa amon mga tagipusoon paagi sa Espiritu Santo
kabay magpukaw liwat sa amon sang paglaum
sa pag-abot sang Imo Ginharian.
Kabay ang Imo grasya ang maghimo sa amon
nga mga mapisan nga tagpanggas sang binhi sang Ebanghelyo.
Kabay nga ining mga binhi magbag-o
sang Imo mga katawhan kag sang bug-os nga ginlalang
sa pat-od nga pagpaabot sang isa ka bag-o nga langit,
kag sang isa ka bag-o nga duta,
nga sa diin ang gahum sang panulay malutos
kag ang Imo himaya naga-iwag sang walay katapusan.
Kabay nga ang grasya sang sining Jubileo magpukaw sa amon,
nga mga peregrino sang Paglaum sang kalangkag sa mga manggad sang langit.
Kabay nga ang amo man nga grasya ang magpalapta sang kalipay kag paghidaet
sang amon Manluluwas sa bilog nga kalibutan.
Sa imo, nga amon Dios, ang himaya kag pagdayaw
sa wala sang katapusan. Amen
