Subong nga Adlaw Enero 9, 2025, Ang Diocesis sang Bacolod nagasaulog sang Nahauna nga Kapistahan sang 𝘉𝘭𝘢𝘤𝘬 𝘕𝘢𝘻𝘢𝘳𝘦𝘯𝘦. Ang Concelebrated Mass Pagasaulogon sa las 5:30 sang hapon sa Queen of Peace Parish Redemptorist.
Sa kada petsa nwebe sang bulan sang Enero, ginasaulog sang Simbahan Katolika ang Kapistahan sang Santo Patron Hesus Nazareno. Diri sa aton syudad sang Bacolod, ang Imahe sang Nazareno aton makita sa Shrine of Our Mother of Perpetual Help and San Lorenzo Ruiz, Queen of Peace Parish-Redemptorist. Ang Imahe nag-abot sadtong Nobyembre 11, 2024 kag ang iya sini nga Enshrinement Ceremony natabo sang Nobyembre 15, 2024.
Ang imahe sang Hesus Nazareno nagalaragway kay Kristo nga nagalukdo sang mabug-at nga itum nga kahoy nga krus samtang ini nagaluhod. Ang imahe nakoronahan sang tunok kag dayadema nga tatlo ka silak nga himu sa pilak ang ulo ni Nazareno nagalaragway sang nawong ni Kristo nga nagaantos.
Makita man sa nawong sang sini nga imahe ni Kristo ang tuman nga pag-antus kag kasakit. Ang kasaysayan sang Pag-antus nagasaad nga ang pagluhod ni Kristo timaan sang iya pag-antus sa paglukdo sang magbug-at nga krus.
Ang ini nga imahe ginhimo sang wala gid makilal-an nga eskultor halin sa
Sa malawig nga tini-on, wala gid makilala kon sino ang nag-debuho sang sini nga imahe nga ginapatihan naggikan pa sa pungsod Mehico sadtong ika-dise-seis ka siglo nga gindala pakadto diri sa Pilipinas sang mga kaparian Agustino Recoletos sang tuig mil seis sientos seis.
Sang tuig 1650, ginkilala ni Pope Innocent X ang organisasyon sang Cofradia de Santo Cristo Jesus Nazareno bangud sang ila daku nga debosyon para sa aton Ginoo Hesukristo paagi sa amo nga imahe.
Content of the story taken from the live radio interview of Queen of Peace Parish Redemptorist Representatives over DYAF 1143 Radio Program Kwarenta last January 06, 2025 at 8 AM in the morning.
Katoliko Ako DYAF 1143 Ang Radyo Ko!
