December 17, 2024
Handumanan ni San Juan de Matha
Si San Juan de Matha isa ka ermitanyo nga nabuhi sa ika-12 nga siglo sa France. Ini nga tawo may isa ka daku nga misyon sa iya tagipusuon: ang pagluwas sang mga Kristyano nga na priso nga nadakop kag ginapigos sang mga Muslim pinaagi sa pagbayad sang ransom ukon paghulagway sa ila.
Si San Juan de Matha, kaupod sang iya nga amigo nga si Felix de Valois, nagkadto kay Pope Innocent III agud nga mahingyo ang pag-uyon kag pagpatigayon sang ila misyon. Gintugutan sila sang Santo Papa kag sini gintukod ang “Order of the Most Holy Trinity” nga mas kilala bilang mga Trinitarians.
Ang ila kongregasyon naghatag daku nga bulig sa mga priso, nga ginluwas kag ginbayran para makakuha sang kalayaan. Pero, ang ila misyon wala lang napundo didto. Ang mga Trinitarians nagapadayon tubtob subong sa pagbulig indi lang sa mga priso kundi sa tanan nga mga Kristyano nga nagakinahanglan, labi na gid ang mga ginapangpigos kag ginaapi.
Ang istorya ni San Juan de Matha nagapakita sang daku nga pagkamanginmatinabangon, pagkamapalanggaon, kag pagtuo nga nagabatas. Ang iya nga paghalad sang kabuhi kag misyon amo ang naghatag inspirasyon sa pagpadayon sang ila kongregasyon nga magalagad sa mga Kristyano nga nagakinahanglan sang bulig kag hustisya.
Katoliko Ako DYAF 1143 Ang Radyo Ko!
#DYAF1143 #CMNBACOLOD
