December 14, 2024
Handumanan ni San Juan dela Cruz
Subong nga adlaw, aton ginadumdom si San Juan dela Cruz, isa ka Español kag Carmelitano nga pari. Si San Juan dela Cruz nabata sa isa ka pigado nga pamilya, pero sa iya kakugi bilang maayo nga Kristyano, iya ginhatag ang iya kabuhi sa Orden sang mga Carmelitano.
Sadto nga panahon, si Santa Teresa sang Avila nagkumbinsi sa iya nga magbulig sa iya sa pagbag-o sang Orden sang mga Carmelitano. Bangud sini, sila ang nagtukod sang ginatawag nga “Order of the Discalced Carmelites”, ang mga Carmelitano nga naghalad gid sang ila kabuhi sa pagsunod sa kasakit, kamatayon, kag pagkabanhaw ni Hesukristo.
Si San Juan dela Cruz ginkilala man bangud sang iya mga sinulatan, nga nagatudlo kon paano magpalapit sa pagkabalaan sang Dios. Bangud sini, siya ginkilala bilang isa ka Doktor sang Simbahan. Ang iya paghalad sang kabuhi kag pag-amlig sa espirituhanon nga pagtuo nagapadayon nga nagahatag sang inspirasyon sa aton subong.
Magpasalamat kita sa iya kabuhi kag magpangamuyo nga siya magapadayon sa paggiya sa aton sa aton pagtuo. 🙏
Katoliko Ako DYAF 1143 Ang Radyo Ko!
#DYAF1143 #CMNBacolod
