December 13, 2024
Handumanan ni Santa Lucia Patron sang mga Bulag
Subong nga adlaw, ginadumdum naton si Santa Lucia, isa ka dalaga nga halin sa manggaranon nga pamilya nga matinumanon sa pagtuo bilang mga Kristyano. Ang iya iloy ginkilala nga nangin Kristyano matapos nag-ayo sa isa ka balatian paagi sa pagpangamuyo kay Santa Agatha. Si Santa Lucia, bisan sang gamay pa siya, naghalad na sang iya kaugalingon sa Diyos kag nagpromisa nga mangin birhen tubtob sang iya kamatayon. Ginpanghatag niya ang iya mga manggad sa mga pigado bilang isa ka buhi nga testamento sang iya pagtuo kag pagkamaalwan.
Bangud sini, may mga pagano nga nagahisa sa iya, labi na gid ang isa ka lalaki nga ginpromisa nga mangin bana niya. Ang lalaki nasakitan gid sa balatyagon sang ginpanghimakasan ni Santa Lucia nga indi siya magpakasal bangud gusto niya nga ang iya kabuhi ihatag lang gid sa Diyos. Ginhimo sang lalaki ang tanan agod halitan si Santa Lucia. Gintorture siya, ginkuha ang iya mga mata, kag ginpangsunog siya, pero sa tunga sang tanan nga pag-antos, nagpabilin nga matinumanon si Santa Lucia sa paghalad sang iya kabuhi sa Diyos.
Sa katapusan, siya ginpatay paagi sa espada. Apang, ang iya matuod nga pagtuo kag paghalad nangin simbolo sang iya pagkabalaan. Subong, si Santa Lucia ginakilala bilang isa ka martir kag birhen para sa aton ginoo, kag isa sa mga popular nga santos sang Kristiyanismo halin pa sa una nga panahon.
Katoliko Ako DYAF 1143 Ang Radyo Ko!
#DYAF1143 #CMNBacolod
