December 6, 2024
Handuman ni San Nikolas sang Myra
Si San Nikolas natawo sa maukod nga mga Kristyano nga ginikanan, nga medyo may kaya sa kabuhi. Subong man, sa kasubo, timprano pa napatay ang iya sini nga mga ginikanan, gani siya ang nagpanubli sang ila manggad. Ang nag-atipan sa iya amo ang iya tiyo, nga isa ka obispo sang Patara. Sa iya pagdako, nangin pari siya kag sa ulihi nangin obispo sang Myra.
Isa ka kilala nga istorya parte kay San Nikolas amo ang iya kaalwan. May isa ka tawo sa Patara nga sa iya kaimolon naisip pasudlon sa prostitusyon ang iya tatlo ka bata nga dalaga agud lang may kwarta sila. Sang nabal-an ini ni San Nikolas, nagkuha siya sang iya manggad, nagbakal sang bulawan, kag ginbutang ini sa balay sang pamilya. Bangud sini, nagkabaton sila sang kwarta nga natigayon ang kasal sang tatlo ka dalaga, kag nalikawan ang madulom nga plano.
Tungod sang istorya nga ini, nangin kilala si San Nikolas bilang ehemplo sang kaalwan, kag ang iya paghatag naghalin sa istorya nga ginatawag naton subong nga “Legendary Story.” Ini man ang nangin basihan sang pagtuo naton kay Santa Klaus. Ang matuod nga Santa Klaus amo si San Nikolas sang Myra, isa ka santo nga modelo sang gugma kag paghatag para sa tanan.
Sa kapistahan niya, dumdumon naton ang iya ehemplo kag mangin matinatapon kita nga maghigugma kag magbuligay sa aton isigkatawo.
Katoliko Ako DYAF 1143 Ang Radyo Ko
#DYAF1143 #CMNBacolod
