December 01, 2024
Una nga Dominggo sang Adveinto
Ginsaulog naton ang una nga Domingo sang Adviento kag ang pagsugod sang bag-o nga Liturgical Year . Ang aton simbahan nagasunod sa tatlo ka liturgical year: A, B, kag C, kag subong kita yara sa Year C.
Sa pagsugod sang bag-o nga liturgical year, aton ginaselebrar ang Adviento bilang isa ka panahon sang pagpangaman para sa pag-abot kag pagkabun-ag ni Kristo. Ang tradisyon sang Adviento nagasugod pa halin sa ikatatlo ukon ikaapat nga siglo, nga ginpahayag sang simbahan sa kunsilyo sa Zaragoza, Espanya.
Makita naton ini nga tema sa mga sermon sang mga santos, pareho kay San Maximo kag San Cesaryo, kag sa mga nahauna nga liturgical texts, pareho sang Gelasian Sacramentary. Sa ini nga sakramentaryo, ginapahayag ang kinahanglanon sang lima ka Domingo sang pagpamalandong kag paghanda antes ang pagkabun-ag ni Kristo.
Ini nga pagpangaman nagatudlo sa aton nga mangin takus sa pagsaulog sang iya kaadlawan kag magatugro sa iya sang inchakto nga debosyon.
Katoliko Ako DYAF 1143 Ang Radyo Ko!
#DYAF1143 #CMNBacolod
