November 29, 2024
Handuman ni St. Satruninus
Si St. Saturninus, isa ka pari nga sa ulihi nangin una nga obispo sang banwa sang Toulouse, kilala bilang isa ka martir. Sa tion sang iya pagpangalagad bilang obispo sa Toulouse, dutay pa lang ang mga Kristyano sa lugar. Isa ka adlaw, samtang siya naglabay sa plaza, nakita niya nga kadamo sang mga tawo nga naga-preparar sa pagsakripisyo sang isa ka baka para sa ila mga dios-dios.
Gintudlo siya sang isa ka tawo kag ginhambalan nga magupod sa pagsimba sa ila mga dios-dios kag maghalad sang baka. Apang si St. Saturninus nagpanindugan kag nagsiling: “Isa lang ang Dios, kag ang akon ginasimba nga Dios ano lamang ang takus halaran sang akon sakripisyo.”
Bangud sang iya pagpanindugan, naakig ang mga tawo. Ginga-id nila siya sa baka, kag ini ila ginpagwa kag ginbuy-an. Natabanan si St. Saturninus sa baka kag napatay siya sa masakit nga paagi.
Apang sa iya pagpakamatay, madamo ang nakakita sang iya pagtuo kag pagpalangga kay Kristo. Nagdamo ang mga nagtuo kay Kristo bangud sa iya ehemplo, nga bisan sa punto sang kamatayon, wala siya nagduhaduha nga maghalad sang iya kabuhi para sa iya pagtuo.
Ang kabuhi kag kamatayon ni St. Saturninus isa ka inspirasyon sa mga Kristyano nga magpabilin nga malig-on sa pagtuo, bisan pa sa mga kabudlayan kag pagsulay.
Katoliko Ako DYAF 1143 Ang Radyo Ko!
#DYAF1143 #CMNBacolod
