Subong nga adlaw, ginasaulog naton ang opsyonal nga pagdumdom kay Santa Margarita sang Scotland, nga ginakabig bilang “The Pearl of Scotland.” Ginaselebrar sang mga Romano Katoliko ang iya kapistahan subong nga adlaw, Sabado, Nobyembre 16.
Si Santa Margarita nabun-ag sadtong tuig 1046 sa Reska, Hungary. Kilala siya bilang isa ka matahom, maalam, kag relihiyosa nga babayi. Ang iya pagkamabuot kag pagkamalumo nagpatin-aw sang iya misyon sa pagbulig sa mga pigado sa Scotland. Nagpanikasog siya sa pagpatukod sang Simbahan kag nagbulig sa mga tawo sa pagpalig-on sang ila relihiyoso nga pagtuo kag debosyon.
Siya ang nagsulat sang mga libro nga may mga dekorasyon nga pilak, bato, kag bulawan, nga nagapakita sang iya kahilig sa mga bagay nga makaambit sa pagdayaw sa Diyos.
Si Santa Margarita nagpakita sing pagka-matulon-anon kag pagkabalaan sa iya pagpangabuhi bilang asawa, layko nga babayi, kag iloy. Nagtaliwan siya sa ika-16 sang Nobyembre, tuig 1093.
Santa Margarita de Escocia, ig-ampo mo kami!
Katoliko Ako, DYAF1143 Ang Radyo Ko!
