Nangin madinalag-on ang pagpatigayon sang blessing sang transmitter kag estasyon sang DYAF 1143 CMN Bacolod subong nga adlaw, Nobyembre 23, Sabado.
Ginpangunahan ini ni Rev. Fr. Dominic Derramas, Acting Station Manager, kaupod ang suporta ni Fr. Greg Neri. Ang transmitter nahamtang sa likod sang St. John Nepomuceno Parish sa Barangay Sum-ag, syudad sang Bacolod.
Ginpabindisyonan man ang studio sang estasyon, nga mangin sentro sang misyon kag serbisyo para sa mga pumuluyo. Gintambungan ini sang mga anchors sang mga programa kag sang bug-os nga staff sang DYAF.
Nagapasalamat ang DYAF 1143 sa mga nagbulig kag nagasuporta sa pagpadayon sang ila misyon bilang tingog sang Kamatuoran kag Paglaum.
DYAF Creatives: Stanley Ralph Ligna
Katoliko Ako dyaf 1143, Ang Radyo Ko!
#𝘙𝘦𝘦𝘹𝘱𝘦𝘳𝘪𝘦𝘯𝘤𝘦𝘋𝘠𝘈𝘍1143 #𝘊𝘔𝘕𝘉𝘢𝘤𝘰𝘭𝘰𝘥
